وروستی
کابل کې د سپین کجیر په نوم وحشي مرغه د ښکاریانو له منګولو وژغورل شو
۱۴۴۷ کال د ذوالقعدې۱۱نېټه/ کابل
د کابل ولایت د چاپېریال ساتنې ریاست مفتشینو له لوري د
ساحوي څارنې پر مهال د سپین کجیر په نوم یو وحشي مرغه د یوه ښکاري څخه ضبط شو. دغه
مرغه له چاریکارو څخه کابل ښار ته راوړل شوې و چې د چاپېریالي مفتشینو له لوري ونیول
شو.
له ښکاري
څخه لیکلی تعهد واخیستل شو چې نور به له ښکار څخه ډډه کوي او نیول شوی مرغه چې د
ساتنې وړ وحشي ډولونو څخه دی او نسل یې د ورکېدا له ګواښ سره مخ دی؛ د وروستیو
اجرااتو لپاره کابل ژوبڼ ته وسپارل شو.
سپین کجیر د ایکوسیستم په توازن کې مهم رول لري د دې نوعې
له منځه تګ کولای شي د ساري ناروغیو د خپرېدو، په طبیعت کې د مړو حیواناتو د پاتې
شونو د زیاتوالي او په پایله کې د چاپېریال د ککړتیا لامل شي له همدې امله د دې
نوعې ساتنه د ژوند بڼو د خوندیتوب له مهمو لومړیتوبونو څخه ګڼل کېږي.