وروستی
په ولایاتو کې د فعالیتونو چاپېریالي ارزونه ترسره شوه
د
١٤٤٧کال د ذوالقعدې١٢مه/ ولایات
د هېواد په بېلابېلو ولایتونو کې د چاپېریال ساتنې ریاستونو
له لوري د نظارت، عامه پوهاوي او د طبیعي سرچینو د ساتنې په موخه یو لړ فعالیتونه
ترسره شوي دي.
په کندهار ولایت کې د ارغنداب ولسوالۍ د بندي او خلاصي درې څخه
نظارت ترسره شو، چېرې چې خلکو ته د وحشي ژوو د ښکار د مخنیوي په اړه سپارښتنې وشوې
او د حکومت د حکمونو په اړه عامه پوهاوی ورکړل شو.
په پکتیا کې د قصابیو څخه نظارت ترسره او مسؤلینو ته د حفظالصحې،
منظم لباس او د کثافاتو د سم مدیریت په اړه لارښوونې وشوې.
همدارنګه په لغمان ولایت کې ۱۰۵ مړزان د ښکاریانو له منګلو
خلاص او بېرته طبیعت ته خوشې شول، او ښکاریانو ته جدي خبرداری ورکړل شو.
په ننګرهار کې د مالګې د تولید فابریکو څخه تفتیش ترسره شو،
چې پکې چاپېریالي نیمګړتیاوې په ګوته او د اصلاح لپاره لازمې سپارښتنې وشوې.