وروستی
د ښکار د مخنیوي کمپاین پر دوام مرکز او ولایتونو کې مختلف اقدامات ترسره شول
۱۴۴۷ کال د ذوالقعدې۱۵نېټه/ کابل-لغمان-کونړ
د ښکار د مخنیوي کمپاین په لړ کې د کابل، لغمان او کونړ ولایتونو
د چاپېریال ساتنې ریاستونو نظارتي ټیمونو له لوري مختلف اقدامات ترسره شوي دي.
کابل کې د وحشي ژوو او نایابو مرغانو د ښکار د مخنیوي او
ساتنې په اړه د سنګنوشته ټولي ته ورغلل؛ ترڅو له ځایي مسئولینو د نایابو مرغانو
او وحشي ژوو د ښکار او قاچاق د مخنیوي او ساتنې په اړه خبرې اترې وکړي، د یاد ټولي
د استخباراتو او چیک پواینټونو مسئولینو څخه غوښتنه وشوه چې په دې برخه کې همکاري
وکړي چې هغوی هم د هر راز همکارۍ ډاډ ورکړ.
د لغمان ولایت د چاپیریال ساتنې ریاست له لوري د ریاست
الوزرا عالي مقام د (١١٤) ګڼه حکم د تطبیق په موخه د قرغیو ولسوالۍ اړوند ګمبیري دښته
کې (١٠٥) وزره مړزان د ښکاریانو له منګلو خلاص او بیرته ازاد طبعیت ته خوشې شول.
همداراز د ښکاریانو څخه د ښکار وسایل ضبط او له منځه یوړل
شول او خبرداری ورکړل شو چې له ښکار څخه ډډه وکړي؛ که بیا ځلي ونیول شول عدليي او
قضایي ارګانونو ته ور وپیژندل شي.
د کونړ ولایت د چاپېریال ساتنې ریاست د ښکار د مخنیوي په
پار د چاپېریالي رضاکارانو له خوا په یو شمېر سیمو کې د ښکاریانو په اړه ورکړل شویو
معلوماتو په اساس له دوه تنه ښکاریانو څخه لیکلې ژمنې واخیستل شوې چې نور به ښکار
نه کوي.
د یادونې وړ ده چې د ا.ا.ا ریاست الوزراء عالي مقام د حکم
په اساس ټول هېواد کې د وحشي ژوو، مرغانو او کبانو ښکار بند دی؛ که هرڅوک له دې
امر څخه سرغړونه وکړي، د قانون منګولو ته به وسپارل شي.