وروستی
د فابریکو، ښارګوټو او اصنافو د بندولو لړۍ په دوام
د چاپېریال ساتنې ملي ادارې عمومي رئیس شاه زمان میوندي په مشرۍ، د دې ادارې مسلکي معین انجنیر عزت الله صدیقي، د کابل ښاروالۍ د ښاري خدمتونو معینې آغلې مهتاب عالمي، د امنیه قوماندانۍ مسوولینو د اړوندو حوزو آمرینو او رسنیو په حضور کې د مرغومي په ۱۲مه نېټه د کابل ښار صنعتي پارکونو په سیمه کې د هواککړتیا لامل څلور فابریکې (د بهسود بامیان د وسپنې ویلې کولو، بهیر ګروپ، خالد عرب د المونیمي لوښو د تولید او کابل کاغذ فابریکو) د سونګ سیسټمونه وتړل شول.
د تېرو ورځو په دوام نن یو ځل بیا لوړپوړي دولتي پلاوي د هوا ککړتیا د راکمولو، مخنیوي او قدرمنو هيوادوالو د شکایتونو په اساس د څلورو فابریکو د سونګ سیسټمونه له نېږدي وکتل او د معیاري سونګ سیسټم نه درلودلو او زیاد دود له امله مهر ولاک شول.
ښاغلي میوندي له رسنیو سره په خبرو کې وویل: موږ په خورا جدیت او قوي ارادې دې لړۍ ته دوام ورکوو او ټولې هغه منابع چې د هوا ککړتیا لامل ګرځي هغه به بندوو.
د یادولو وړ ده چې د خان سټیل او میهن سټیل د وسپنې ویلې کولو فابریکو د سونګ سیسټمونه او فلترونه له نېږدې وکتل شول چې په معیار برابر وو همدا راز د سپین غر نباتي غوړیو فابریکې څخه لیکلې ژمنه واخیستل شوه؛ ترڅو خپل سیسټم معیاري کړي.
هېره دې نه وي چې په کابل ښار کې د هواککړتیا د راکمولو او مخنيوي په پار جدي تفتیش روان دی او له ټولو سرغړوونکو سره به قانوني چلند کیږي.
يادښت: همدا راز د چاپېریال ساتنې ملي ادارې، کورنیو چارو وزارت او ښاروالۍ ګډ نظارتي ټیم په کابل ښار کې
اووه نورې لوړپوړیزه ودانۍ(سلطان ټاور، امیني ټاور، ماشاالله ټاور، برج کوه نور، الصفی پلازا، کارته چهار پلازا او نصرت پلازا) یو دانه حمام او یو هوټل دکابل ښار په درېمه او پنځمه ناحیه کې د فلتر د نه شتون له امله وتړل.
همدا راز د ممتاز محل هوټل او انار برج چې څو ورځې وړانداې د فلتر نه شتون له امله مهر ولاک شوي وو، نن د اصلاح وروسته خلاص شول.
تاسو کولای شئ زموږ نظارتي ټیم سره په لاندې شمېرو په اړیکه کې شئ
0799046020
0797442267