وروستی
شاه زمان میوندي :موږ دې ته ژمن یو چې ملت ته روڼ او پاک حساب ورکړو
د سلواغې ۲۷مه - کابل
د چاپېریال ساتنې ملي ادارې عمومي رئیس شاه زمان میوندي د دې ادارې د مشرتابه په غونډه کې وویل چې د افغانستان جمهوري ریاست د حکم پر بنسټ ملت ته د حساب ورکولو په برنامه کې هر ډول راڼه او پاک حساب ورکولو ته چمتو یو.
په دې ناسته کې د جلالتمآب جمهور رئیس د تازه صادر شوي فرمان په اړه چې دولتي ادارې دې د خپلو کارونو په برخه کې ملت ته ځواب ورکړي، بحث تر سره شو. د ناستې په پیل کې د دې ادارې مسلکي معین انجنیر عزت الله صدیقي او د اطلاعاتو او عامه اړیکو رئیس د حکومت د اطلاعاتو او رسنیو په مرکز کې د ولسمشر د فرمان د پلي کولو د څرنګوالي په تړاو ګډونوالو ته معلومات ورکړل.
ورپسې د چاپېریال ساتنې ملي ادارې عمومي رئیس شاه زمان میوندي ملت د حساب ورکولو د اهمیت برخې ته اشاره وکړه او په دې برخه کې یې پر لازمه آماده ګۍ ټینګار وکړ. ده وویل: د چاپېریال ساتنې ملي اداره د خپلو ترسره شویو کارونو د راپور ورکولو په هکله دې ژمنه ده چې ملت ته روڼ او پاک حساب ورکړي او د قانون د مقررو مطابق به خپل مسوولیتونه په سمه توګه ترسره کوي.
ښاغلي میوندي ټولو ریاستونو ته لارښوونه وکړه چې د ولسمشر د فرمان د هدایت مطابق دې لازم چمتووالی ونیسي او ملت دې روڼ حساب ورکړي.
د یادولو وړ ده چې د ټاکل شوي وخت پر اساس به د چاپېریال ساتنې ملي اداره د خپلو لاسته راوړنو، ننګونو او شته فرصتونو په تړاو د کب میاشتې په څوارلسمه نېټه به ملت خپل راپور وړاندې کړي.