وروستی
د پالیسۍ او نړیوالو اړیکو معین ادریس ملیار د امریکا د نړیوالې پراختیایي ادارې (USAID) د آبریزو د تقویت او اوبو د مدیریت پروژې له رئیس سره ولیدل
د کب ۴مه - کابل
د چاپېریال ساتنې ملي ادارې د پالیسۍ او نړیوالو اړیکو معین، ادریس ملیار په خپل کاري دفتر کې د روان کال د کب په ۴مه نېټه د امریکا متحده ایالاتو د نړیوالې پراختیایي ادارې (USAID) د آبریزو د تقویت او اوبو د مدیریت پروژې له رئیس ښاغلي هاپي مازیر سره ولیدل.
په دې لیدنه کې په سمه توګه د پروژې پر مدیریت، د دې ادارې د کارکوونکو مسلکي وړتیا لوړولو او د مرستو پر دوام بحث ترسره شو، ښاغلي ملیار د USAID له همکاریو مننه وکړه او پر دوامداره همکارۍ یې ټینګار وکړ.
ښاغلي مازیر خوښي څرګنده کړه چې دوی تر دا مهاله موثره همکاري کړې ده او ژمنه یې وکړه چې له دې ادارې سره به خپلې مرستي جاري ساتي.
د یاودنې وړ ده چې تر اوسه پورې د USAID له خوا د چاپېریال ساتنې ملي ادارې ته د مسلکي چارو ترسره کولو لپاره تر دا مهاله یو لړ تخنیکي اسانتیاوې چمتو شوي او همدا راز یې د عامه پوهاوي پروګرامونو په جوړولو کې له دې ادارې سره مرستې کړي دي. ښاغلي مازیر د چاپېریال ساتني ملي ادارې سره د نیالګیو کېنولو، د ځمکې د سر اوبو آزمایښت او دکمپیوټرونو د ورکړې په اړه د خپلو همکارانو سره د مشورې کولو او پورته مواردو د چمتو کولو ژمنه وکړه.