پلچرخي صنعتي پارک کې د یو شمېر تولیدي فابریکو څخه څارنه وشوه

۱۴۴۷ کال د شوال ۲۲مه/ کابل
د هواککړتیا راکمولو او چاپیریالي اصولو د تطبیق په موخه د چاپېریال ساتنې ملي ادارې نظارتي ټیم له لوري د کابل پلچرخي صنعتي پارک کې له ۱۲ تولیدي فابریکو د فعالیتونو د څرنګوالي او چاپېریالي وضعیت نظارت او ارزونه وشوه.

د چاپېریالي چارو مفتشینو له لوري د مدینه صداقت او المکه خالدي پلاستیکي پایپ، سلیمان، يوسف شمال، يوسف عمر او غبرګون د چپلکو جوړولو، هارون د جامو ګنډلو تار، قدرت سهاک کلچو جوړولو، پوفیان غزنه او اسیا پلاستکي مصنوعاتو، محمد هجران او متعهد کاروان پلاستیکی خلطو توليدي فابريکو فعالیتونه له نېږدې وکتل شول او د چاپېریالي وضعیت ارزونه یې وکړه.

د څارنې په لړ کې  د یادو فابریکو مالکانو ته موجوده چاپېريالي نیمګړتیاوې او ستونزې په نښه او د حل په موخه ورته لازمې سپارښتنې وشوې، همدا راز له مالکانو څخه یې په لیکلي بڼه ژمنې واخېستل شوې چې په خپلو فعالیتونو کې به چاپېریالي اصول او شرایط پلي کوي. د چاپېریال ساتنې ملي اداره د هر ډول فعالیتونو او تولیدي فابریکو مسئولنو ته سپارښتنه کوي چې په خپلو فعالیتونو کې چاپېريالي اصولو پلي کړي او هر هغه څوک چې چاپېریالي اصول په پام کې نه نیسي؛ د قانون منګولو ته سپارل کیږي.